Google ADS

Krasniqi zhvilloi takim pune me zëvendëskryeministrin e Luksemburgut, e falënderon për mbështetje

13:58 | 5 Nëntor 2024
E.K

Kryetari i Partisë Demokratike të Kosovës, Memli Krasniqi, ka njoftuar se ka takuar sot zëvendëskryeministrin dhe ministrin e Punëve të Jashtme dhe Tregtisë së Luksemburgut, Xavier Bettel.

Në një postim në Facebook, Krasniqi tha se e ka uruar Bettel për hapjen e ambasadës së re të Luksemburgut në Kosovë, një hap që, sipas tij, do të forcojë më tej bashkëpunimin ndërmjet dy shteteve dhe thekson angazhimin afatgjatë të Luksemburgut për mbështetje ndaj Kosovës.

“Ish-Kryeministrin Bettel e falënderova për mbështetjen e vazhdueshme të Luksemburgut ndaj shtetit tonë nëpër fushat kyçe, nga shëndetësia te teknologjia e inovacioni. Bashkë biseduam edhe për angazhimet tona të përbashkëta në kuadër të Aleancës së Liberalëve dhe Demokratëve të Europës, ku Partia Demokratike e Kosovës dhe Partia Demokratike e Luksemburgut e Zëvendëskryeministrit Bettel janë anëtare”, ka shkruar Krasniqi./Arbresh.nfo

Shpërndaje në rrjete sociale

Lajmet më të lexuara

Të ngjashme

Foto lajm